Transcription
1
Monsieur, jey receu votre lettre du huictiesme de ce moys et veu
2
par icelle commant alliés trouver monsieur le mareschal
3
de Dampville à Lyon ; et sy jeusse sceu votre partement,
4
je neusse falli vous aller trouver pour hobeyr à vous
5
commandementz et drect que jey receu votre lettre, me
6
feusse en chemyné pour aller baiser les mains à mondit
7
seigneur le mareschal, mais me doutant quil ne
8
vienne par eaue pour ce quon faict acoustrer
9
la maison de Tournon pour le recepvoyr et ay advizé
10
dattendre scavoyr quel chemyn il prendra vous
11
suppliant, monsieur, commander à votre secretaire men
12
donner adviz, vous remerciant très humblement vous
13
bonnes nouvelles et de ladvertissement quil vous
14
a pleu me mander du cousté de Montbrun. Je nay failli
15
à mectre bonne garde en ce lieu, combien que
16
jespère que se ne sera rien, car jeus à soyr
17
des lettres de monsieur de Parys et de monsieur
18
de Saincte Jalle que me mande que tout y est
19
en bon repos en ce pays, ne font semblant de
20
rien. Ung des gens de monsieur de Portes qui
21
est arryvé, dict que à Aubenas sassemblent à force
22
huguenaulx, que sera la fin, après vous avoyr
23
supplié me commander votre vouloyr pour
24
[v° ] icelluy toute ma vie acomplir daussy bon cueur que
25
me recommande très humblement à votre bonne grace,
26
priant Dieu
27
Monsieur, qui vous ayt en sa garde. De votre maison de
28
Montoyson, ce XIIme doctobre 1572
29
Votre très humble et au
30
beysant servyteur
31
Montoyson.